|
2. Аллоҳ Таоло кейинги оятларда Яратувчининг ўликларни тирилтиришига қодирлигига далолат қилувчи очиқ ҳужжатларни баён қиляпти. Уларни мўминлар ўз кўзлари билан кўрадиларми ёки Аллоҳнинг буюк Китобидаги оятлардан ўқиб биладиларми, фарқи йўқ, ҳар икки ҳолатда ҳам улар мўминлар учун ҳужжат бўлади. Улардан Аллоҳнинг улуғлигини, буюклигини билиб оладилар.
أَنَّ اللّهَ عَلَى كُلِّ شَيْءٍ قَدِيرٌ
(Албатта Аллоҳ ҳамма нарсага қодир) бу муборак оятда Аллоҳ Таоло томлари йиқилиб, аҳолиси йўқлигидан ҳувиллаб қолган қишлоқдан ўтган бир одамнинг қиссасини айтиб боряпти. Бу вайронагарчиликларни кўриб, у одам, энди Аллоҳ бу қишлоқни қандай қилиб яна олдинги биноларию одамлари билан обод бўлган ҳолига қайтарар экан-а, деди.
Аллоҳ уни юз йилга ўлдириб, кейин яна қайта тирилтирди. Қанча турганлиги ҳақидаги саволга у, бир кун ёки ундан озроқ муддат турганини айтди. Шунда унга юз йил турганлиги билдирилди. Кейин унга ўз ишига қараш, нарсалари хусусида тадаббур қилиш буюрилди. Овқати – ейимлиги ва ичимлиги юз йил мобайнида ҳам ўзгармаган эди. Эшагининг эса суяклари чириб, майда-майда бўлиб кетганди.
Кейин Аллоҳ Таоло унга унинг ўлдирилганлиги, кейин яна қайта тирилтирилганлиги, эшаги не аҳволга тушганлигию овқати қандай ҳолатда қолганлиги – мана шуларнинг ҳаммаси унинг ўзига ва уни ўлишидан олдин ҳам, кейин ҳам кўрган қавмига, шунингдек, улардан кейин келиб бу хабарни Пайғамбар с.а.в.дан эшитганларга ибрат бўлиши учун қилинганини айтяпти. Токи, уларга имонга келсинлар.
Бу жуда ғаройиб иш. Уни осмонлару ерни яратган Зотдан бошқа ҳеч ким қила олмайди. Ичимлик ва ейимлик юз йил мобайнида боягидек сақланиб қолса-да, худди шу жойдаги эшак ўлиб, чириб кетса!
Шундан сўнг Аллоҳ унга бундан ҳам ғаройиброқ ҳолни намойиш қилади. Юз йилдан кейин эшакнинг суяклари тўпланиб, ердан кўтарилиб, жасаддаги ўз ўрнига қайтиб, кейин унга гўшт кийдирилиб, (эт битиб), худди олдинги тирик эшак ҳолига қайтади!
Мана шуларнинг ҳаммасини у ўз кўзи билан кўради ва қувват ва қудрат Соҳибига имон келтириб, Яратувчини улуғлаб, шундай дейди:
فَلَمَّا تَبَيَّنَ لَهُ قَالَ أَعْلَمُ أَنَّ اللّهَ عَلَى كُلِّ شَيْءٍ قَدِيرٌ
(Қачонки унга бу нарсалар аниқ кўрингач: «Албатта Аллоҳ ҳамма нарсага қодир эканини биламан», деди).
127-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232